【上水新康街】 假日的新康街會劃為行人專用區，年三十晚的小販全都出動；年初一的白天不見了小販、不見了行人，就連封路的路牌都不見了。
【上水新康街】 上水的老店小店都趁著年三十晚做更多的生意；大年初一，就連最賺錢的藥房都停工了，當然也看不見人山人海的水貨佬。
【上水巡撫街】記得小時候有人會賣親筆書寫的揮春，至今仍然有市場！
【上水巡撫街】大年初一，街道回復平靜。一年三百六十五日，只得今天的上水像回我兒時回憶中的上水：沒有水貨佬、沒有手拉車、沒有滿街垃圾，只得一片寧靜
【上水街市門外】 筆者自己好贊成香港能有空間比小販做生意，以前香港人可以推一檔魚蛋，養大一家四口仲可以買樓，呢樣先係真正獅子山精神。不過「人必自侮，然後人侮之」，你搞到個場咁，仲邊有市民會撐你地？
每逢過年前政府部門都會「隻眼開隻眼閉」俾你地做生意，好讓大家過個肥年，不過搵食唔係唯一核心價值，你有自由，都唔該顧及公德。年三十晚清潔姐姐仲要返工做到十點，一個鐘無補水都係得三十蚊，仲要犧牲埋同家人食飯時間來清你地手尾，你地又過唔過意得去？
昨晚的清潔姐姐話，晚上十點之後沒有人會清理垃圾，要等到今早大年初一早上七時才會有人處理垃圾。中午路經街市，路面已經是一塵不染。
【上水火車站】 平日水貨佬滿街的情況已不復見，特別是上水火車站彩園村出口一帶，以往滿街都是煙蒂、紙皮箱、索帶、手拉車，充耳都是普通話，今天上水居民都難得清靜。
【上水龍琛路】 佳節過後，一切都回復平靜，而其實，上水原本也是個寧靜的小市鎮
兒時覺得新年很開心，因為可以收到利是；現在覺得新年很開心，因為感覺香港真的是香港。
上水是中港融合最前沿一，一葉知秋；到底是誰「熔」掉誰？答案大底也很明顯吧…
沒有留言:
發佈留言